ಬಾಹ್ಯಾಕಾಶದಲ್ಲಿ ನಡೆಯುವ ವಿಸ್ಮಯಗಳು, ಕೆಲವು ವಿಚಿತ್ರಗಳ ಬಗ್ಗೆ ನಾಸಾ ಆಗಾಗ ಸಾಮಾಜಿಕ ಜಾಲತಾಣಗಳ ತನ್ನ ಅಧಿಕೃತ ಖಾತೆಯಲ್ಲಿ ಫೋಟೋ, ವಿಡಿಯೋಗಳನ್ನು ಹಂಚಿಕೊಳ್ಳುತ್ತಿರುತ್ತದೆ. ಇದೀಗ ‘ಮಂಗಳದ ಹೂವು’ ಎಂದು ಬಣ್ಣಿಸಿ ಫೋಟೋವೊಂದನ್ನು ಹಂಚಿಕೊಂಡಿದ್ದು ನೆಟ್ಟಿಗರ ಗಮನಸೆಳೆದಿದೆ.
ಮಂಗಳದ ಬಗ್ಗೆ ಅನ್ವೇಷಿಸಲು ವಿನ್ಯಾಸಗೊಳಿಸಿರುವ ಕ್ಯೂರಿಯಾಸಿಟಿ ಮಾರ್ಸ್ ರೋವರ್ , ಗ್ರಹದ ಮೇಲೈಯಲ್ಲಿರುವ ಹೂವಿನ ಆಕಾರದ ಕಲ್ಲಿನ ಫೋಟೋವನ್ನು ರವಾನಿಸಿದೆ.ಈ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ನಾಸಾ, ‘ ನಿಲ್ಲಿ, ಈ ಮಂಗಳದ ಹೂವಿನ ಪರಿಮಳ ನೋಡಿ’ ಎಂದು ಬರೆದುಕೊಂಡಿದೆ.
Stop and smell the Martian "flower" 🌸
On Feb. 24, 2022, our @MarsCuriosity rover captured this image of a flower-like rock. Smaller than a penny, this and a bouquet of other findings gives scientists insight into the Red Planet’s ancient past: https://t.co/wS5uXX8fDz pic.twitter.com/DvaLaKQ0BC
— NASA (@NASA) March 10, 2022
ಫೆ. 24, 2022 ರಂದು, ನಮ್ಮ ಕ್ಯೂರಿಯಾಸಿಟಿ ಮಾರ್ಸ್ ರೋವರ್, ರೆಡ್ ಪ್ಲಾನೆಟ್‌ನ ಪ್ರಾಚೀನ ಗತಕಾಲದ ಕಲಾಕೃತಿಗಳ ಈ ಚಿತ್ರವನ್ನು ಸೆರೆಹಿಡಿದಿದೆ ಎಂದು ನಾಸಾ ಹೇಳಿದೆ. ಈ ಹೂವು ಕ್ಯೂರಿಯಾಸಿಟಿ ಕಂಡುಹಿಡಿದ ಕಲಾಕೃತಿಗಳ ಪುಷ್ಪಗುಚ್ಛಗಳಲ್ಲಿ ಒಂದಾಗಿದೆ ಎಂದು ನಾಸಾ ಹೇಳಿದೆ.
ನಾಸಾ ತಮ್ಮ ಇನ್ಸ್ಟಾಗ್ರಾಮ್‌ ಖಾತೆಯಲ್ಲಿ ಈ ಚಿತ್ರವನ್ನು ಪೋಸ್ಟ್ ಮಾಡಿದ್ದು, ಇದುವರೆಗೂ 4.4 ಲಕ್ಷಕ್ಕೂ ಹೆಚ್ಚು ಮಂದಿ ಲೈಕ್ ಮಾಡಿದ್ದಾರೆ.
