ಮುಂಬಯಿ: 2023ರಲ್ಲಿ ಅಂತರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ (ಐಒಸಿ) ಅಧಿವೇಶನ ಮುಂಬಯಿನಲ್ಲಿ ಆಯೋಜನೆಯಾಗಲಿದೆ. ಚೀನಾದ ಬೀಜಿಂಗ್‌ನಲ್ಲಿ ನಡೆದ 139 ನೇ ಐಒಸಿ ಅಧಿವೇಶನದಲ್ಲಿ, 2023ರಲ್ಲಿ ಮುಂಬಯಿನಲ್ಲಿ ಐಒಸಿ ಅಧಿವೇಶನವನ್ನು ಆಯೋಜಿಸುವ ಬಿಡ್ ಅನ್ನು ಅವಿರೋಧವಾಗಿ ಭಾರತ ಗೆದ್ದಿದೆ.
ಇದು ಭಾರತದಲ್ಲಿ ನಡೆಯುತ್ತಿರುವ ಎರಡನೇ IOC ಅಧಿವೇಶನವಾಗಿದ್ದು , ಕೊನೆಯದಾಗಿ 1983 ರಲ್ಲಿ ನವದೆಹಲಿಯಲ್ಲಿ IOC ಅಧಿವೇಶನವನ್ನು ಆಯೋಜಿಸಲಾಗಿತ್ತು. ಈ ಮೂಲಕ 40 ವರ್ಷಗಳ ಬಳಿಕ ಮತ್ತೊಮ್ಮೆ ಭಾರತದಲ್ಲಿ IOC ಅಧಿವೇಶನ ನಡೆಯಲಿದೆ.
ಭಾರತೀಯ ನಿಯೋಗವು ದೇಶದ ಮೊದಲ ವೈಯಕ್ತಿಕ ಒಲಿಂಪಿಕ್ ಚಿನ್ನದ ಪದಕ ವಿಜೇತ (ಬೀಜಿಂಗ್ 2008, ಶೂಟಿಂಗ್) ಅಭಿನವ್ ಬಿಂದ್ರಾ, ಐಒಸಿ ಸದಸ್ಯೆ ನೀತಾ ಅಂಬಾನಿ, ಭಾರತೀಯ ಒಲಿಂಪಿಕ್ ಅಸೋಸಿಯೇಷನ್ (ಐಒಎ) ಅಧ್ಯಕ್ಷ ನರೀಂದರ್ ಬಾತ್ರಾ ಮತ್ತು ಯುವ ವ್ಯವಹಾರಗಳು ಮತ್ತು ಕ್ರೀಡಾ ಸಚಿವ ಅನುರಾಗ್ ಸಿಂಗ್ ಠಾಕೂರ್ ಅವರನ್ನು ಒಳಗೊಂಡಿದೆ.
“40 ವರ್ಷಗಳ ಕಾಯುವಿಕೆಯ ನಂತರ ಒಲಿಂಪಿಕ್ ಆಂದೋಲನವು ಭಾರತಕ್ಕೆ ಮರಳಿದೆ. 2023 ರಲ್ಲಿ ಮುಂಬೈನಲ್ಲಿ IOC ಅಧಿವೇಶನವನ್ನು ಆಯೋಜಿಸುವ ಗೌರವವನ್ನು ಭಾರತಕ್ಕೆ ವಹಿಸಿದ್ದಕ್ಕಾಗಿ ನಾನು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಗೆ ನಿಜವಾಗಿಯೂ ಕೃತಜ್ಞಳಾಗಿದ್ದೇನೆ” ಎಂದು ನೀತಾ ಅಂಬಾನಿ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
“ಇದು ಭಾರತದ ಒಲಂಪಿಕ್ ಮಹತ್ವಾಕಾಂಕ್ಷೆಗೆ ಮಹತ್ವದ ಬೆಳವಣಿಗೆಯಾಗಿದೆ ಮತ್ತು ಭಾರತೀಯ ಕ್ರೀಡೆಗೆ ಹೊಸ ಯುಗವನ್ನು ಪ್ರಾರಂಭಿಸುತ್ತದೆ. ಕ್ರೀಡೆಯು ಯಾವಾಗಲೂ ಪ್ರಪಂಚದಾದ್ಯಂತ ಲಕ್ಷಾಂತರ ಜನರಿಗೆ ಭರವಸೆ ಮತ್ತು ಸ್ಫೂರ್ತಿಯ ದಾರಿದೀಪವಾಗಿದೆ. ಭಾರತದ ಯುವಕರು ಒಲಿಂಪಿಕ್ಸ್‌ನ ಮ್ಯಾಜಿಕ್ ಅನ್ನು ನೇರವಾಗಿ ಸ್ವೀಕರಿಸಲು ಮತ್ತು ಅನುಭವಿಸಲು ನಾನು ಉತ್ಸುಕಳಾಗಿದ್ದೇನೆ. ಈ ಪಾಲುದಾರಿಕೆಯನ್ನು ಇನ್ನಷ್ಟು ಬಲಪಡಿಸುವುದು ಮತ್ತು ಮುಂದಿನ ವರ್ಷಗಳಲ್ಲಿ ಭಾರತದಲ್ಲಿ ಒಲಿಂಪಿಕ್ ಕ್ರೀಡಾಕೂಟವನ್ನು ಆಯೋಜಿಸುವುದು ನಮ್ಮ ಕನಸು ” ಎಂದು ನೀತಾ ಅಂಬಾನಿ ಹೇಳಿದ್ದಾರೆ.
A truly momentous occasion for the Olympic Movement in India!
Mumbai, India will host the 2023 IOC Session.
"It is our dream to host the Olympic Games in India in the years to come!”
– Smt. Nita Ambani, IOC Member and Founder-Chairperson, Reliance Foundation#OlympicsInIndia pic.twitter.com/34dneOIhYF— Reliance Foundation (@ril_foundation) February 19, 2022
`2023 ರಲ್ಲಿ ಭಾರತಕ್ಕೆ ಅಂತಾರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಅಧಿವೇಶನ ಬರಲಿರುವ ಐತಿಹಾಸಿಕ ಕ್ಷಣ. ಇತ್ತೀಚಿನ ವರ್ಷಗಳಲ್ಲಿ ಭಾರತೀಯ ಕ್ರೀಡೆಯು ದೈತ್ಯ ಪ್ರಗತಿಯನ್ನು ಸಾಧಿಸಿದೆ.ಈ ಮಹತ್ವದ ಸಂದರ್ಭಕ್ಕಾಗಿ ಭಾರತೀಯ ನಿಯೋಗದ ಭಾಗವಾಗಿರುವುದಕ್ಕೆ ಉತ್ಸುಕ ಮತ್ತು ಹೆಮ್ಮೆಯಾಗಿದೆ ಎಂದು ಅನುರಾಗ್ ಠಾಕೂರ್’ ಟ್ವೀಟ್ ಮಾಡಿದ್ದಾರೆ.
A historic moment as the International Olympic Committee Session is coming to 🇮🇳 India in 2023!
Indian sport has made giant strides in recent years.
Excited and proud to have been a part of the Indian delegation for this landmark occasion.#StrongerTogether #IOCSession2023
— Anurag Thakur (@ianuragthakur) February 19, 2022
`ಮುಂಬೈ 2023 ರ ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಅಧಿವೇಶನವನ್ನು ಆಯೋಜಿಸುವುದು ಕೇವಲ ಹೆಮ್ಮೆಯ ವಿಷಯವಲ್ಲ ಆದರೆ ಕ್ರೀಡಾ ದಿಗಂತದಲ್ಲಿ ಭಾರತವನ್ನು ಮುಂದಕ್ಕೆ ತಳ್ಳುವ ಅವಕಾಶವೂ ಆಗಿದೆ. 2023 ರ ಅಧಿವೇಶನವನ್ನು ಮಹಾರಾಷ್ಟ್ರದ ಮುಂಬೈಗೆ ತರುವ ಪ್ರಯತ್ನಕ್ಕಾಗಿ ನೀತಾ ಅಂಬಾನಿಯವರಿಗೆ ಕೃತಜ್ಞತೆಗಳು’ ಎಂದು ಮಹಾರಾಷ್ಟ್ರ ಸರಕಾರ ಹೇಳಿದೆ.
Mumbai hosting the 2023 International Olympic Committee Session is not just a matter of great pride but also an opportunity to push India ahead on the sporting horizon.
Grateful to Smt. Nita Ambani ji for her efforts to bring the 2023 session to Mumbai, Maharashtra!
— CMO Maharashtra (@CMOMaharashtra) February 19, 2022
IOC ಅಧಿವೇಶನ
ಅಂತರಾಷ್ಟ್ರೀಯ ಒಲಿಂಪಿಕ್ ಸಮಿತಿ ಸ್ವಿಟ್ಜರ್ಲೆಂಡ್‌ನ ಲೌಸನ್ನೆ ಮೂಲದ ಸರ್ಕಾರೇತರ ಕ್ರೀಡಾ ಸಂಸ್ಥೆಯಾಗಿದೆ. ಸ್ವಿಸ್ ಸಿವಿಲ್ ಕೋಡ್ ಅಡಿಯಲ್ಲಿ ಸಂಘದ ರೂಪದಲ್ಲಿ ಇದನ್ನು ರಚಿಸಲಾಗಿದೆ. 1894 ರಲ್ಲಿ ಪಿಯರೆ ಡಿ ಕೂಬರ್ಟಿನ್ ಮತ್ತು ಡೆಮೆಟ್ರಿಯೊಸ್ ವಿಕೆಲಾಸ್ ಸ್ಥಾಪಿಸಿದರು. ಇದು ಬೇಸಿಗೆ, ಚಳಿಗಾಲ ಮತ್ತು ಯುವ ಒಲಿಂಪಿಕ್ ಕ್ರೀಡಾಕೂಟಗಳನ್ನು ಆಯೋಜಿಸುವ ಜವಾಬ್ದಾರಿಯನ್ನು ಹೊಂದಿದೆ.
IOC ಅಧಿವೇಶನವು IOC ಸದಸ್ಯರ ಸಾಮಾನ್ಯ ಸಭೆಯಾಗಿದೆ. ಇದು IOC ಯ ಸರ್ವೋಚ್ಚ ಅಂಗವಾಗಿದೆ ಮತ್ತು ಅದರ ನಿರ್ಧಾರಗಳು ಅಂತಿಮವಾಗಿರುತ್ತದೆ. ಒಂದು ಸಾಮಾನ್ಯ ಅಧಿವೇಶನವನ್ನು ವರ್ಷಕ್ಕೊಮ್ಮೆ ನಡೆಸಲಾಗುತ್ತದೆ.
IOC ಒಟ್ಟು 101 ಸದಸ್ಯರನ್ನು ಒಳಗೊಂಡಿದ್ದು ಮತದಾನದ ಹಕ್ಕನ್ನು ಪಡೆದಿರುತ್ತಾರೆ. ಹೆಚ್ಚುವರಿಯಾಗಿ, 45 ಗೌರವ ಸದಸ್ಯರು ಮತ್ತು ಒಬ್ಬ ಗೌರವಾನ್ವಿತ ಸದಸ್ಯರು ಇದ್ದು ಅವರು ಮತದಾನದ ಹಕ್ಕನ್ನು ಹೊಂದಿಲ್ಲ. ಸದಸ್ಯರ ಜೊತೆಗೆ, 50 ಕ್ಕೂ ಹೆಚ್ಚು ಅಂತರಾಷ್ಟ್ರೀಯ ಕ್ರೀಡಾ ಒಕ್ಕೂಟಗಳು, (ಬೇಸಿಗೆ ಮತ್ತು ಚಳಿಗಾಲದ ಕ್ರೀಡಾ ವಿಭಾಗಗಳು) ಹಿರಿಯ ಪ್ರತಿನಿಧಿಗಳು (ಅಧ್ಯಕ್ಷ ಮತ್ತು ಪ್ರಧಾನ ಕಾರ್ಯದರ್ಶಿ) ಸಹ IOC ಅಧಿವೇಶನದಲ್ಲಿ ಭಾಗವಹಿಸುತ್ತಾರೆ.
